Ўзбекистоннинг энг қиммат футболчиси нархига учта давлат терма жамоасини сотиб олиш мумкин

257

Футболчилар трансферлари ҳақида маълумот берувчи «Transfermarkt.de» портали терма жамоалар ва футболчиларнинг нархлари ҳақидаги маълумотларни янгилади. «Xabar.uz» Шарқий Европа ва МДҲ мамлакатлари терма жамоаларининг нархларини солиштириб кўрди.

Россия — 158 миллион евро

Россия терма жамоасининг энг қиммат футболчиси асли бразилиялик бўлган Марио Фернандес Фигейра — 16 миллион.

Украина — 77,95 миллион евро

Украина термаси деярли 78 миллион евро туради. Жамоанинг энг қиммат футболчиси эса Андрей Ярмоленко — 25 миллион.

Арманистон — 42,78 миллион евро

Арманистон термасининг нархи 42 миллиондан ошади. Энг қиммат ўйинчи Генрих Мхитарян — 35 миллион евро туради.

Грузия — 28,33 миллион евро

Грузия термасида энг қиммат футболчи Валерий Казаишвили бўлиб, унинг нархи 2,5 миллион еврога тенг.

Қозоғистон — 21,95 миллион евро

Қозоғистон термасидаги энг қиммат футболчи Бауржан Исламхан ҳисобланади — 2 миллион евро.

Белоруссия — 13,70 миллион евро

Белоруссиянинг энг қиммат футболчиси Максим Володьконинг нархи — 1,2 миллион евро.

Ўзбекистон — 12,65 миллион евро

Ўзбекистон терма жамоасининг энг қиммат футболчиси Одил Аҳмедов 5,5 миллион евро туради. Унинг нархига бирваракайига бутун бошли Қирғизистон, Тожикистон, Туркманистон терма жамоаларини сотиб олиш мумкин.

Молдавия — 10,23 миллион евро

Молдавия термасининг нархи 10 миллион евродан ошади. Энг қиммат ўйинчи эса Александру Епуряну — 3,75 миллион евро.

Озарбайжон — 9,55 миллион евро

Ушбу терма жамоада энг қиммат футболчи асли бразилиялик Ричард Алмейда бўлиб, унинг нархи 1,5 миллион.

Литва — 8,88 миллион евро

Литва — Болтиқбўйидаги энг қиммат терма жамоа. Жамоанинг энг қиммат футболчиси эса Федор Черних — 1,35 миллион евро.

Латвия — 5,88 миллион евро

Латвия термасида энг қиммат футболчилар Давис Икауниекс ва Каспарс Дубра —700 минг евродан.

Эстония — 4,83 миллион евро

Эстония — Болтиқбўйидаги энг арзон терма жамоа. Таркибдаги энг қиммат футболчи Рауно Саппинен — 550 минг евро.

Тожикистон — 1,75 миллион евро

Тожикистоннинг энг қиммат ўйинчилари Фарҳод Восиев, Даврон Эргашев ва Парвиз Умарбоев бўлиб, ҳар бири 300 минг евродан баҳоланади.

Қирғизистон — 1,53 миллион евро

Қирғизистоннинг энг қиммат ўйинчиси нархи 500 минг евро бўлиб, у Валерий Кичин.

Туркманистон — 1,18 миллион евро

Бутун бошли жамоанинг нархи 1 миллион евродан салгина ошади, энг қиммат ўйинчи Руслан Мингазов эса 700 минг евро туради.

Бошқа хабарлар