“MARD O'G'LON” ChEMPION…MI?

85

Yakkabog'
tumanida tug'ilib o'sgan Abdimalik Abdisalimov o'tgan yili Prezidentimiz farmoniga
ko'ra, “Mard o'g'lon” mukofotiga loyiq ko'rilgandi.

Ko'plab
respublika va xalqaro musobaqalarda muvaffaqiyat qozongan “Mard o'g'lon”
navbatdagi g'alabasini yurtdoshlarimizga armug'on etdi.

Maqolani to'liq quyida o'qing.

ABDIMALIK – OLTIN MEDAL SOHIBI

Shri-Lankaning Kalutara shahrida 8 yoshdan 18
yoshgacha bo'lgan shaxmatchilar o'rtasida navbatdagi Osiyo chempionati yakunlandi.

Ushbu nufuzli musobaqada mamlakatimiz terma jamoasi a`zolari
ham munosib ishtirok etib, yakunda 5 ta oltin, 2 ta kumush va 1 ta bronza medalni
qo'lga kiritdi. E`tiborli tomoni, ular orasida viloyatimiz vakili Abdimalik
Abdisalimov ham bor.

Abdimalik 16 yoshdan 18 yoshgacha bo'lgan o'g'il bolalar o'rtasida
o'tkazilgan bahslarda ishtirok etib, o'zining ishonchli o'yini bilan barcha
raqiblarini ortda qoldirdi. Ayniqsa, so'nggi tur bahsida Hindiston vakilini oq
donalarda mag'lub etgach, 7 ochko jamg'arishga erishdi. Bu uning Osiyo chempionligini
qo'lga kiritishi uchun yetarli bo'ldi.

Shuningdek, qit`a birinchiligida o'z yosh toifalarida Umida   Omonova, Ruqiya Olimova, Afruza Hamdamova va
Humoyun Bekmuratov ham vatanimiz sharafini munosib himoya qilib, yurtimizga
medallar bilan qaytishgan.

Kecha yosh shaxmatchilarimiz  
Islom Karimov nomidagi Toshkent xalqaro aeroportida tantanali kutib
olindi.

J.BOYMURODOV

“Qashqadaryo” gazetasi

2019 yil 12 aprel, 30-son.

Boshqa xabarlar