YaDRO UChIB ChIQDI

128


O'zbekiston Fanlar akademiyasi va Birlashgan kasaba uyushma qo'mitasi tomonidan an`anaviy “Akademiada-2019”musobaqasi tashkil etildi.

“Faol investisiyalar va ijtimoiy rivojlanish yili”
Davlat dasturida belgilangan vazifalarni amalga oshirish hamda Xotira va qadrlash kuni munosabati bilan tizimda faoliyat yuritayotgan yosh olimlar, ishchi-xodimlarni jismoniy tarbiya va sportga keng jalb etish, salomatligini mustahkamlash maqsadida mini futbol bo'yicha o'tkazilgan musobaqada 24 ta jamoa o'zaro kuch sinashdi.

Qizg'in kechgan o'yinlar natijasiga ko'ra, Yadro fizikasi instituti 1-, Fanlar akademiyasining Qoraqalpog'iston bo'limi 2-, Materialshunoslik instituti jamoasi 3-o'rinlarga munosib topildi.

G'olib jamoalar diplom, medal va pul mukofotlari bilan takdirlandi. 10 nafar mohir o'yinchiga faxriy yorliq va qimmatbaho sovg'alar topshirildi.

– O'tgan yili guruhdan chiqolmagan edik, – deydi Fanlar akademiyasining Qoraqalpog'iston bo'limi ish yurituvchisi Ko'baysin Matjanov. – Bu yil yaxshi natija ko'rsatdik. Raqib jamoaga penaltilar seriyasidagina boy berdik. Nasib etsa, keyingi safar albatta g'olib bo'lamiz. 

Kezi kelganda ta`kidlash kerakki, ayni paytda stol tennisi, shaxmat va akademkross sport turlari bo'yicha saralash bosqichi davom etmoqda. Ushbu sport turlari bo'yicha musobaqalarning final bosqichi 20 aprel kuni O'zbekiston Fanlar akademiyasining Toshkent  Botanika bog'ida o'tkaziladi.

Salim ABDURAHMONOV

Boshqa xabarlar