Favqulodda vaziyatlarga shaylik qay darajada?

17


Favqulodda vaziyatlar vazirligi “2019 yilda sel-toshqin va yer ko'chki hodisalari bilan bog'liq favqulodda vaziyatlardan aholini va hududlarni muhofaza qilish borasida amalga oshirilayotgan tadbirlar” mavzusida matbuot anjumani o'tkazdi.

Unda vazirlik vakillari bilan bir qatorda Davlat geologiya qo'mitasi hamda “O'zgidromet” markazi  mutaxassislari ishtirok etishdi.

Tadbirda aholi va hududlarni muhofaza qilish borasida amalga oshirilayotgan tadbirlar hamda sel-toshqin bilan bog'liq favqulodda vaziyatlarning oldini olishda idoralararo shtab faoliyati xususida so'z yuritildi.

Ta`kidlandiki, xavfli hududlarda sel, toshqin suvlari bilan bog'liq holatlarning oldini olish uchun daryo, soy, ariq va kanallar o'zanlarini tozalash hamda qirg'oqlarini mustahkamlash bo'yicha joylarda 93 ta amaliy maxsus-taktik o'quv mashqlari o'tkazildi.

Respublikadagi suv omborlarida suv toshqinlarini talofatsiz qabul qilish va o'tkazib yuborishga tayyorgarlik holati to'liq o'rganildi va aniqlangan kamchilik va muammolarni bartaraf etish bo'yicha suv omborlari rahbarlariga tegishli ko'rsatmalar berilib, ijrosi nazoratga olindi.

Sodir bo'lishi mumkin bo'lgan suv toshqini va sel oqimini oldini olish va xavf-xatarsiz o'tkazib yuborish maqsadida Andijon, Jizzax, Qashqadaryo, Surxondaryo, Navoiy,Sirdaryo, Namangan, Samarqand, Farg'ona va Toshkent viloyatlari hokimliklari balansida bo'lgan daryo va soylarning o'zanlarini tozalash va qirg'oqlarini mustahkamlash ishlari olib borildi.

Respublikamizdagi bolalarni sog'lomlashtirish va dam oldirish oromgohlari tegishli tashkilot va idoralar mutaxassislari bilan birgalikda mavsum boshlanishidan oldin o'rganib chiqildi.

Joriy yilda respublika miqyosida jami bo'lib 222 ta stasionar oromgohlar faoliyat yuritilishiga ruxsat etilgan. Jizzax viloyati Jizzax tumanida joylashgan “Bobur” va “Bo'ston” oromgohlari sel-toshqini xavfi mavjudligini inobatga olib, 2019 yilda faoliyat yuritish uchun ruxsat etilmadi.

Yuzaga kelishi mumkin bo'lgan tabiiy va texnogen xususiyatli favqulodda vaziyatlarda dam oluvchi bolalarning xavfsizligini ta`minlash maqsadida, Ichki ishlar idoralari bilan birgalikda 213 ta stasionar oromgohlarning evakuasiya tadbirlari va favqulodda vaziyatlarda to'g'ri harakat qilish rejalari qayta ko'rib chiqildi va ularga aniqliklar kiritildi.

Tadbirda ishtirokchilar o'zlarini qiziqtirgan savollarga batafsil javob olishdi.

                           Shoxida Yusupova,

O'zJOKU talabasi.

Boshqa xabarlar