Charchoqlar yozildi

184


Guliston  shahridagi  “Alpomish”  sport  majmuasida  9 may – Xotira va qadrlash kuni munosabati  bilan  “Sport – salomatlik  garovi”  shiori ostida spartakiada tashkil  etildi. 

Qiziqarli musobaqalar  natijasiga  ko'ra ayollar  o'rtasida  kechgan  voleybol  bahslarida ta`lim,  fan  va  madaniyat  xodimlari  kasaba   uyushmasi  xodimlaridan  tarkib  topgan   jamoa  birinchi, sog'liqni  saqlash   xodimlari  kasaba   uyushmasi  xodimlari  ikkinchi va agrosanoat  majmui  xodimlari  kasaba  uyushmasi  jamoasi uchinchi  o'rinni  egallashdi.

Mini  futbol uchrashuvida davlat muassasalari va jamoat xizmati xodimlari  birinchi, agrosanoat  xodimlari  ikkinchi, ta`lim tarmog'i  xodimlari  uchinchi o'rinni band etishdi.

– Ma`muriyat  va  boshlang'ich   kasaba   uyushma  tashkiloti tomonidan biz,  xodimlar uchun munosib sharoitlar yaratilgan. Ayniqsa,  jismoniy  chiniqish,   mazmunli  hordiq uchun  muassasada   stol  tennisi,  mini  futbol  maydoni,  trenajyor zali faoliyati yo'lga qo'yilgan, – deydi viloyat bojxona  boshqarmasi  xodimi  Sohib  Soliev. – O'ylaymanki,  bugungi  o'yinlarda yuqori  hisobni qayd etganimiz ana shu sa`y-harakatlarning natijasidir.

 Musobaqa  ishtirokchilari   diplom,   kubok   va   medallar   bilan   taqdirlandi. 

Ozoda  MAMADALIEVA, 

“Ishoch” muxbiri

Boshqa xabarlar