Ishonch.uz кўзи туғма ожиз бўлишига қарамай, жамиятга ўтмиш тароналарини жонли етказаётган бу қизнинг дунёси билан таништиради.

Ферузанинг қўшиқларини тинглайдиган кўчадаги томошабинларнинг айтишича, унинг қўшиқлари одамларга болалиги ва ёшлик даврларини эсга солади. “Маҳаллада дув-дув гап”, “Мафтунингман” каби кўплаб ўтмиш киноларидаги қўшиқлар унинг репертуарларидан жой олган. Феруза шунингдек, Ботир Зокиров, Кумуш Раззоқова, Насиба Абдуллаева, Муҳаббат Шамаева каби машҳур санъаткорларнинг қўшиқларини ҳам ижро қилади. Қолаверса, туристларга рус, инглиз, турк, испан, озарбайжон ва ҳинд тилларида буюртмага кўра, қўшиқ айтиб беради.

Ферузанинг ҳиёбонга келиб-кетишига онаси Нигора Хўжаева ёрдам беради.

– Келажакда катта санъаткор бўлмоқчиман, катта саҳналарда ҳам концерт бермоқчиман, – дейди 33 ёшли Феруза.

Мафтуна Каримова, журналист,
Қувончбек Тўраев, оператор.