«Тошкент — Истанбул» йўналишидаги авиақатновлар 10 июндан бошлаб босқичма-босқич тикланади

521

Туркия Республикасида эпидемиологик вазият барқарорлашаётгани инобатга олиниб, мамлакатимизнинг ушбу давлатдаги Бош консулхонаси қуйидагиларни маълум қилди:

— Истанбул билан Фарғона, Урганч ва Самарқанд ўртасида авиақатновлар 3 июндан босқичма-босқич тикланади;

— Туркияга сайёҳлар учун мўлжалланган чартер рейслар 5 июндан босқичма-босқич тикланади;

— Тошкент — Истанбул йўналишидаги авиақатновлар талаб ва вазиятдан келиб чиқиб 10 июндан босқичма-босқич тикланади;

Сўнгги 14 кун давомида Туркияда бўлган ва ушбу мамлакат орқали Ўзбекистонга кириб келаётган Ўзбекистон Республикаси фуқаролари ва доимий яшайдиган фуқаролиги бўлмаган шахсларнинг уй ёки меҳмонхонада карантинда бўлиш тартиби бекор қилинди.

Ўзбекистон Республикасига келиш учун авиақатновга рўйхатдан ўтишдан олдин сўнгги 72 соатдан кўп бўлмаган муддатда коронавирус инфекциясига фақат ПЦР орқали текширилиб, манфий кўрсаткичга эга, деб топилган маълумотномани тақдим этиш талаби сақланиб қолади.