СОҒЛОМ ҲАЁТ УЧУН 5000 ҚАДАМ

Мудофаа вазирлиги ҳамда Тошкент шаҳар касаба уюшма ташкилотлари бирлашмаси кенгаши ҳамкорлигида Ўзбекис­тон Рес­публикаси Қуролли кучлари ташкил этилганининг 29 йиллиги ҳамда Ватан ҳимоя­чилари куни муносабати билан Мудофаа вазирлигига қарашли Ахборот-коммуникация технологиялари ва алоқа ҳарбий ­институтида маънавий-маърифий тадбир ўтказилди.
Ватан ҳимояси шарафли ва муқаддас бурч эканини, миллий армиямиз билан фахрланиш ва давлат хавфсизлигини ҳимоя қилиш учун масъулият туйғусини сингдириш, уларда ҳарбий-ватанпарварлик туйғуларини юксалтириш, ҳарбий хизматчилар ҳамда уларнинг оила аъзоларини ижтимоий-иқтисодий қўллаб-қувватлаш мақсадида ташкил этилган тадбирда ҳарбийлар, институт курсантлари ва фуқаролар иштирок этди.
Тадбир доирасида «Соғлом ҳаёт учун 5000 қадам» шиори остида юриш марафони ҳам уюштирилди.
– Бу каби тадбирларнинг ўтказилиши ёшларни ватанпарварлик руҳида тарбиялашда ўзига хос аҳамиятга эга, – дейди Тошкент шаҳар касаба уюшма ташкилотлари бирлашмаси кенгаши раисининг ёшлар масалалари ­бўйича маслаҳатчиси Азиз Тоғаев.
Тадбир сўнгида Ахборот-коммуникация технологиялари ва алоқа ҳарбий ­институтининг фаоллари касаба уюшмаларининг фахрий ёрлиқ ҳамда эсдалик совғалари билан тақдирланди.

Аъзам АБУЛФАЙЗОВ,
«ISHONCH»

Фикр билдириш

Your email address will not be published.