Адлия вазири: "Педофилия учун умрбод қамоқ жазоси жорий этилиши режалаштирилмоқда"
Ўзбекистонда вояга етмаганларга нисбатан содир этиладиган жиноятлар учун жавобгарликни кучайтириш мақсадида Жиноят кодексига ўзгартиш киритиш режалаштирилмоқда. Бу ҳақда Адлия вазири Акбар Тошқулов маълум қилди.
Қайд этилишича, Президент томонидан педофилия жинояти учун умрбод қамоқ жазосини жорий этиш бўйича топшириқ берилган.
Мазкур ташаббус бир қатор омиллар асосида шаклланган. Хусусан, сўнгги йилларда бу турдаги жиноятлар сони ошгани, жиноятларнинг криминологик таҳлили ўтказилгани ҳамда хорижий давлатлар, жумладан, қўшни мамлакатлар тажрибаси ўрганилгани натижасида жавобгарликни янада кучайтириш зарурати юзага келган.
Вазирнинг таъкидлашича, ҳар қандай жазонинг асосий мақсади — жиноятларнинг олдини олиш ва жиноятчига нисбатан таъсирчан чора қўллаш орқали келгусида бундай ҳолатларни камайтиришдан иборат. Айниқса, ёш болалар ва аёлларга нисбатан содир этилаётган жиноятларга қарши қатъий чоралар кўриш зарурлиги қайд этилди.
Адлия вазирлиги. Бош прокуратура, Олий суд, Ички ишлар вазирлиги томонидан ҳамкорликда Қонун лойиҳасини ишлаб чиқиш жараёнида амалдаги ҳуқуқий амалиёт, жиноятлар статистикаси, уларнинг сабаб ва омиллари ҳамда криминологик ҳолатлар чуқур ўрганилади. Шунингдек, тайёрланган ҳужжат жамоатчилик муҳокамасига қўйилиши режалаштирилган.
Долзарб мавзулар
Mақолага баҳо беринг
0/50
0
0
0
0