Ҳомиладорлик ва туғиш таътилига чиққан ишловчи аёлларга ушбу мақсадларда тўланадиган нафақа пули қанча муддатдан кечиктирилмасдан тўланиши лозим?

Ушбу саволга Ўзбекистон касаба уюшмалари Федерацияси Самарқанд вилоят кенгаши меҳнат ҳуқуқ инспектори Улуғбек Ғаниев жавоб беради:

Вазирлар Маҳкамасининг 2024 йил 31 майдаги 314-сон қарори 1-иловаси билан тасдиқланган Низомнинг 6-бандига кўра ҳомиладорлик ва туғиш нафақаси, яъни “декрет” пули иш берувчига меҳнатга лаёқатсизлик варақаси ходим томонидан тақдим этилган кундан бошлаб 16 календарь кун ичида тўланиши шарт.

Агар корхона ёки ташкилот томонидан турли сабаблар рўкач қилиниб бу маблағ ўз вақтида тўланмаса, Меҳнат Кодексининг 333-моддасига асосан ҳар бир кечиктирилган кун учун пуллик компенсация билан бирга тўланиши белгилаб қўйилган.