Лекин бу маълумот аслидаги “этник турк” жумласининг “туркий халқлар” дея нотўғри талқин қилингани аниқ бўлди.

Шу боис, таҳририят ўқувчиларидан юқоридаги ноаниқлик учун узр сўраб, қуйидаги таҳрирланган маълумотни тақдим қилади:

Туркия президенти Ражаб Тоййиб Эрдўғон имзолаган ушбу ҳужжат Ҳукуматнинг турк миллатига мансуб хорижий фуқароларнинг Туркияда касб ва ҳунарларини эркин амалга оширишлари, давлат ва хусусий секторда меҳнат фаолиятларини олиб боришларига доир қарорига ўзгартириш ва қўшимчаларни киритади.

Унга кўра, дастлаб хорижий фуқаролар турк миллатига мансублиги идентификация қилинади ва бу Президент қарори билан тасдиқланади.

Ўз навбатида, бу тоифа хорижий фуқаролар:

• мамлакатда вақтинча яшаш гувоҳномасига эга бўлиши;
• хорижда олган дипломлари нострификация қилинган бўлиши;
• касбий фаолияти Туркия хавфсизлигига таҳдид солмаслиги;
• фуқаролиги бўлган мамлакатда этник ва маданий озчиликни ташкил қилиш (масалан, Болгарияда яшайдиган турклар) керак.