Қишлоқда ёз
Ёзда ҳаёт қайнайди. Болалар таътилда, далалар тўкин, маҳаллада кунда тўй, карнай-сурнай саси тинмайди. Қуёшни уйғотган одамлар саҳар бошлаган юмушини шомда адоғига етказолмасдан, тағин яна бир иш топишади. Бу гўшада вақтнинг қадри зарга тенг.
Далада чопиқ қараб турибди, ҳосилни йиғиб олиш керак. Эҳҳе, яна қанча иш. Жўжиқлар жонлиқларни ўтлоққа бошласа, қизлар қўлида кетмон, эгатларга шошади. Оналар ўчоқ боши бекасига айланган дамлар. Пишиқчилик неъматларини банкаларга қамаш ҳам улар гарданида. Кўча чангитувчи болажонларнинг куни туғади. Айтганча, қишлоқларда ҳали ҳам болалик бор, ерда, қумда ҳоммомпишлар авжида.
Ёз қишлоқнинг ҳаёт фалсафасига айланган. Шаҳардаги талабанинг шартнома пули учун ҳосил сотиладиган, тўйга новвос боқиладиган, уй томи учун тераклар уриладиган тиғиз вақт бу. Ёзнинг бир куни бутун қишни боқади.
Меҳнатдан нолимайдиган қишлоқдир бу эл. Ерини, гўшасини, ўз ёзини севади. Эрта ухлашади, саҳар туради, кун тиғида бироз мизғиш эса – анъана. Кечки овқатда ҳамма юмушларини тугатиб дастурхонга йиғилади, қўшнилар бир-бирига овқат узатади, туғилган кун бўлса бор-йўғи дастурхонга тортиқ. Кулгу овози бутун ҳовлини тутиб дуоларидан шукур айри қолмайди. Қишлоқнинг қисқа ёзи шундай серфайз ўтади.
Эъзоза Умр
«Ishonch.uz» фотохизматининг махсус фотомухбири томонидан тайёрланган фоторепортажлар тўплами.
Репортаж тафсилотлари:
Бошқа фоторепортажлар
ФОТОРЕПОРТАЖ : Ғелонда бетакрор куз манзаралари
Шаҳрисабз туман ҳокимлиги Ғелон қишлоғида ОАВ вакиллари учун фототур ташкил этилди.
ФОТОРЕПОРТАЖ: Хоразмлик касабачилар “Яшил макон” лойиҳасида
Бугун хоразмлик касаба фаоллари томонидан Урганч туманидаги “Касаба уюшмалари боғи”га 1750 туп арча ва терак экилди.
Нурафшонда барпо этилаётган Касаба уюшмалари сув спорти саройи билан танишув ҳамда қурилиш жараёнидан
фоторепортаж