1966 йил 26 апрель куни соат 5:23да Тошкентда даҳшатли зилзила содир бўлган эди
Зилзила ўчоғидаги силкиниш магнитудаси 5,2, эпицентрдаги ер юзасида сейсмик таъсир эса 8 баллдан ортиқ, чекка жойларда 6 баллни ташкил этган эди.
Зилзиланинг ўчоғи шаҳарнинг марказий қисмида нисбатан кичик чуқурликда - ер тагида 3 кмдан 8 кмгача - бўлганлиги сабабли зилзила шаҳарни тўлиқ вайрон қилиб юбормаган.
Сейсмик тебранишлар кўпроқ вертикал бўлганлиги учун ҳаттоки эски пахсали уйлар тўлиқ бузилиб кетмаган. Кучли зарбадан уйлар қийшайиб ва ёрилиб кетган. Асосан жамоат бинолари қулаб тушган.
78 минг оила, ёки ўшанда пойтахтда истиқомат қилган 1,5 миллионлик аҳолининг 300 мингдан ортиғи уйсиз қолган. Зилзила оқибатида 8 киши ҳалок бўлган ва тахминан 200 киши жароҳатлар билан шифохонага ётқизилган эди.
Тошкент аҳолиси пиёдалар йўлаги ва шаҳар хиёбонларидаги майсалар устида ёйилган катта палаткаларга кўчиб ўтишди.
1976 йил фожеанинг 10 йиллиги муносабати билан Тошкентда зилзила оқибатларининг бартараф этилишига бағишланган «Жасорат» монументал мажмуаси ўрнатилган.
Mақолага баҳо беринг
0/50
0
0
0
0