Бедаво дард – “қўшиб ёзиш”лардан қачон қутуламиз?..
Кеча ижтимоий тармоқларда “Яшил макон” лойиҳаси доирасида баҳорги мавсумда 127 миллионта кўчат ўтқазилгани ва бу рақамларнинг ҳудудлар бўйича тақсимоти акс этган газета сурати тарқалди. Бу эса ижтимоий фаол қатламнинг кенг муҳокамасига, рақамларга нисбатан эса саволларнинг пайдо бўлишига олиб келди.
Матбуотга сиздирилган рақамларда қанчалик асос бор? Охирги пайтларда бунақа ҳисоботларни тайёрлаётганлар кабинетдан кўчага чиқмаёқ қўйганга ўхшаб кетаверади одамга.
Савол: бунча кўчатни қаердан олдик? Ким тайёрлади бу миллионлаб ниҳолни, қаерда ўстирди, қаерларга экилди буууунча дарахт? Ахир бу кичкина рақам эмаску.
Матбуотда экологларни ҳисоботларга имзо чектиришга мажбурлаш ҳоллари ҳақида ўқидим кеча. Нега биз ўзи бунақа бедаво дарддан қутилолмаяпмиз? Борини кўрсатайлик, шунга қараб фол очамиз. Юз эмас, 20-25 миллионта кўчатни ростанам экиб, ростанам кўкартириб олсак бунга етадиган баҳо бўлмайдику, фақат ўшани кўрайлик, табиат ўзи айтади, ҳа, шундай янгилик бор, деб. Ҳавода тозариш, ўзгариш орқали бу бизга аён бўлади. Амалда эса сохта рақамларни эълон қилиб ишни "битирамиз", оқибатда бу "дўндирилган" вазифадан натижа кўринмайди.
Ахир, бу кўриниб турган коррупцияку! Оддий одамлар ҳам англаб, тушуниб турган коррупция!
"Яшил макон" дегани юртни обод қиламан деб бошланган эзу ғоя ўлароқ туғилиб, беш олти еб-тўймаснинг қорнига ишлайдиган янги замон акциясига айланиб кетса, одамларнинг нимага ишончи қолади кейин...
“Ишонч” ва “Ишонч-Доверие” газеталари
бош муҳаррири Ҳусан Эрматовнинг Facebook саҳифасидан олинди.
Долзарб мавзулар
Mақолага баҳо беринг
0/50
0
0
0
0