Урушнинг кутилмаган акс-садоси: Ижтимоий тармоқларда узилишлар
5 март куни Meta компаниясига тегишли facebook, Instagram каби тармоқларда бутун дунё бўйлаб узилишлар содир бўлди, ярим миллиондан ортиқ фойдаланувчи ижтимоий медиа иловаларига кира олмади. Узилишлар бошқа йирик ижтимоий медиа иловаларига, жумладан TikTok, Snapchat ва YouTube видео платформасига ҳам таъсир кўрсатди.
Facebook ва Instagram узилиши сабаблари бўйича хавотирли омиллар кўрсатиб ўтиляпти.
Европа ва Осиё ўртасида интернет алоқасини таьминловчи Қизил денгиздаги тўртта сув ости алоқа кабеллари зарар кўрди, деб хабар бермоқда Глобес. Қизил денгизда бутун дунё бўйлаб интернет ва телекоммуникасияларни олиб ўтувчи учта денгиз ости кабели узилди. Сув йўли эса Яман ҳутийлари учун нишон бўлиб қолмоқда.
Кабеллар қандай кесилгани номаълум. Кабеллар Исроилга Ғазо секторида ҲАМАСга қарши урушини тугатиш учун босим ўтказишга уриниш сифатида таърифланган. Бироқ ҳутийлар алоқа линияларига қилинган ҳужумларни рад этишди.
Маълумотларига кўра, кабелларнинг шикастланиши Саудия Арабистонидаги Жидда ва Шарқий Африкадаги Жибути ўртасида аниқланган. Бу Европа ва Осиё ўртасидаги интернет алоқаларда узилишларга сабаб бўлди. Асосий зарар Форс кўрфази ва Ҳиндистон мамлакатларида сезилади.
Компаниянинг ҳисоб-китобларига кўра, зарар Қизил денгиздан ўтувчи трафикнинг 25 фоизига таъсир қилган. Дастлабки маьлумотларга кўра, шикастланган кабелларни таьмирлаш учун камида икки ой керак бўлади.
Маълумот ўрнида айтишими керакки, Телеграм мессенжери асосчиси Павел Дуров глобал узилишлар фонида Телеграм фаолиятини мақтади.
“Facebook ва Instagram ишламай қолганда сўнгги бир соат ичида миллионлаб одамлар Телеграмда рўйхатдан ўтишди ва контент алмашишди. Телеграм бу хизматларга қараганда ишончлироқ. Телеграм 2023 йил давомида 525 600 дақиқадан атиги 9 дақиқасида ишламай қолган”, — дейди у.
Мадина Пўлат қизи, Ishonch.uz
Mақолага баҳо беринг
0/50
0
0
0
0