Ўзбекистон Афғонистон билан 44 млн долларлик экспорт шартномаларини имзолайди
Шунингдек, қўшни давлатнинг 18 та етакчи компания вакиллари иштирокида Ўзбекистон-Афғонистон Ишбилармонлар кенгашини тузишга келишиб олинди.
Ўзбекистон Афғонистон билан 44 млн долларлик экспорт шартномаларини имзолайди. Бу ҳақда Савдо-саноат палатаси ахборот хизмати маълум қилди.
Қайд этилишича, уч кунлик Афғонистон ишбилармон доиралари делегациясининг ташрифи доирасида, маҳаллий корхоналар томонидан қарийб, 44 млн долларлик экспорт шартномалар имзолашга келишиб олинган.
Шунингдек, самарали музокаралар натижасида қўшни давлатнинг 18 та етакчи компания вакиллари иштирокида Ўзбекистон-Афғонистон Ишбилармонлар кенгашини тузишга келишиб олинди.
Ишбилармонлар кенгашининг тузилиши икки мамлакат ишбилармон доиралари ўртасидаги ҳамкорликни ривожлантиришга, улар учун ўзаро муносабатларнинг янги платформаларини яратишга, шунингдек, ўзбек маҳсулотларини Афғонистонга экспорт қилиш ҳажмини ошириш ҳамда хорижий инвестицияларни жалб қилишда ёрдам беради.
Шу билан Афғонистон делегацияси ўтказилган тадбирлар ҳамда самимий қабул учун миннатдорчилик билдириб, мамлакатамизга ташрифини якунлади.
Маълумот учун, ҳозирда Афғонистонда доимий аҳоли сони 34,9 миллион нафарга етди. Импорт бозори 7 млрд долларни ташкил этади. Энг кўп талаб қилинадиган товарлар қишлоқ хўжалиги, озиқ-овқат, тўқимачилик, чарм, электротехника маҳсулотлари ва қурилиш материаллари ҳисобланади.
Ўзбекистонда эса ушбу бозорни эгаллаб олиш учун барча имкониятлар мавжуд.
Долзарб мавзулар
Mақолага баҳо беринг
0/50
0
0
0
0