Бир вақтда бир неча касбда ишлаш мумкинми?
Савол: – Асосий иш жойини сақлаган ҳолда ўриндошлик асосида бир ставкада ишлаш мумкинми?
Cаволга Ўзбекистон касаба уюшмалари Федерацияси Самарқанд вилоят кенгаши меҳнат ҳуқуқ инспектори Улуғбек Ғаниев жавоб берди:
– Меҳнат кодексининг 437-моддасига асосан ўриндошлик асосида ишлаш чоғида ўриндошлик асосида ишлашнинг давомийлиги ходимларнинг мазкур тоифаси учун белгиланган иш вақти нормасининг ярмидан ортиқ бўлиши мумкин эмас (бундан соғлиқни сақлаш тизими ташкилотларининг шифокор ходимлари мустасно).
Вазирлар Маҳкамасининг 297-сонли қарори билан тасдиқланган “Ўриндошлик асосида ҳамда бир неча касбда ва лавозимда ишлаш тартиби тўғрисида”ги низомнинг 7-бандига асосан ўриндошлик асосида ишлашнинг давомийлиги ходимларнинг ушбу тоифаси учун белгиланган иш вақти нормасининг ярмидан ортиқ бўлиши мумкин эмас (соғлиқни сақлаш тизими врач ходимлари бундан мустасно).
Яъни юқоридаги асосларга кўра ўриндошлик асосида фақатгина соғлиқни сақлаш тизими врач ходимларигина 1 ставка ўриндошлик асосида ишлашига рухсат берилади.
Долзарб мавзулар
.243d158.png)
Mақолага баҳо беринг
0/50
0
0
0
0