Статагентлик никоҳдан ажралишлар статистикаси ҳақидаги саволга аниқлик киритди
Бир муддат олдин никоҳдан ажралишларга доир статистикада икки ташкилот томонидан икки хил рақамлар берилгани ҳақида “Олий суд алдаяптими ёки Статистика агентлиги?” сарлавҳали мақола эълон қилинган эди.
Президент ҳузуридаги Статистика агентлиги ахборот хизмати мазкур мақолага ўз муносабатини билдириб, Олий суд ва Агентлик келтирган рақамларда хатолик йўқлигини, балки улар ўз йўналишлари доирасида статистик маълумотларни тақдим қилганини таъкидлаган.
Агентликнинг таъкидлашича, Оила кодексининг 38-моддасига асосан никоҳдан ажратиш суд тартибида, ушбу кодекснинг 42 ва 43-моддаларида назарда тутилган ҳолларда эса, фуқаролик ҳолати далолатномаларини қайд этиш органларида амалга оширилади.
“Юқоридаги мақолада Олий суд фақат суд қарорига асосан ажратилган оилалар сонини эълон қилган.
Статистика агентлиги томонидан эълон қилинган маълумотларда эса 2023 йилда ФҲДЁ органларида қайд этилган барча никоҳдан ажралишлар сони, яъни суд тартибида никоҳдан ажралишлар ҳамда турли низоларсиз тўғридан-тўғри ФҲДЁ органларининг ўзида қайд этилган никоҳдан ажралишлар ҳисобга олинган”, – дейилади Агентлик муносабатида.
Ishonch.uz таҳририяти юқоридаги мақола юзасидан тезкор муносабат билдиргани ва рақамларга аниқлик киритишдаги кўмаги учун Статистика агентлиги ахборот хизматига миннатдорлик билдиради.
Долзарб мавзулар
.243d158.png)
Mақолага баҳо беринг
0/50
0
0
0
0