Унга кўра, 2024 йилнинг 1 январь ҳолатига мамлакатимизда никоҳлар сони – 283,8 мингта, ажралишлар сони эса – 49,2 мингтани ташкил этган.

Шунингдек, Олий суднинг ахборот хизмати ҳам ўтган йилда судлар томонидан кўрилган ишлар статистикасини эълон қилди. Ажабланарли ҳолат шундаки, ажралишлар сони бўйича ҳар икки ташкилот бир-бирига зид маълумот берган.

Хусусан, Олий суд ахборот хизмати очиқлаган маълумотларга кўра, 2024 йилнинг 1 январь ҳолатига кўра, судларга никоҳни бекор қилиш бўйича 63 мингдан зиёд мурожаат келиб тушган. Шундан 34 минг 635 таси бўйича даъво талаблари қаноатлантирилган (никоҳлар бекор қилинган), қарийб 21 мингтаси бўйича даъво талабларини қаноатлантириш рад этилган (никоҳлар бекор қилинмаган). 5 минг 434 таси кўрмасдан қолдирилган ҳамда 2 минг 584 даъво бўйича ишни юритиш тугатилган.

Хўш, ажаралишлар бўйича берилган статистиканинг қайси бирига ишонайлик? Олий судгами ёки Статистика агентлигига?

Аслида, бу бўйича эълон қилинган рақамлар бир хил бўлиши керак эмасми?

Статистика агентлигига ишонадиган бўлсак, қарийб, 14 минг 365 та оила судсиз, шунчаки оғзаки равишда ажрашган бўлиб чиқадими?

Олий суднинг маълумоти тўғри десак, Статистика агентлиги 14 минг 365 та оила ажрашганини қаердан била қолди?

Ахир, ажрашиш масаласи суд орқали ҳал бўладиган жараён-ку! Ёки уларни Статистика агентлиги ажратиб юборганми?

Хуллас, мазкур мантиқсизлик қайси ташкилотнинг гарданига илинади? Ҳар ҳолда бундай ҳолатлар биринчи марта бўлаётгани йўқ.