+27c

Яқинда ёрдамга муҳтожлар рўйхатида турадиган хонадон бекасининг шикояти асосида унинг турмуш шароитини ўрганиш учун уйига бордик. Бу оила Тошкент вилоятининг иқтисодий жиҳатдан илғор туманларидан бирида истиқомат қиларкан. Ота кунлик ишлар билан банд, она ошхонада идиш ювувчи, 30 билан 40 ёшнинг орасидаги тоғни урса, талқон қилгулик девкелбатли ўғил эса, унда-бунда мардикорликка чиқиб турганини ҳисобга олмаганда, ғирт бекорчи экан. 8 сотих ер майдонига эга ҳовлиси қаровсиз, ажриқ босиб кетган. «Демак, бу оила ёрдамга муҳтож эмас экан», деган хулосага келдим. Сўлақмондек ўғлон падари ва волидасини оғир меҳнатга рўбарў қилиб, уларнинг топганини еб-ичиб ўтириши… эсиз, эркаклик…