– Сарсонгарчиликда юрганимга салкам 10 йил бўлди , – дейди Н.Раҳматова. – Қизимнинг отаси уйида норасмий иш қилганлиги сабабли, истаган вақтида оз-оздан пул бериб қўярди. Лекин судда белгиланган маблағдан дарак бўлмасди. Мажбурий ижро бюросига неча марта қатнадим, улар турли ҳужжатларни олиб келишимни айтишарди, олиб борсам, “опа, пулингиз ижрода турибди албатта ундирилади” дейишдан нарига ўтишмасди. Бир куни синглим Ўзбекистон касаба уюшмалари Федерациясининг Хотин-қизлар мурожаатлари билан ишлайдиган 1211-Ишонч телефони борлигини айтиб қолди. Истар-истамай, қўнғироқ қилдим. Буни қарангки, мен масъуллар билан эрталаб гаплашган бўлсам, кечки вақтда пластик картамда салкам 10 йил давомида йиғилган – 57 млн сўм пул турибди-да! Касаба уюшмаларига катта раҳмат, яхши инсонлар ҳамиша бор бўлсин!

Мурожаатчи Н.Раҳматованинг яна айтишича, ўз вақтида алимент пулларини тўламаган собиқ турмуш ўртоғи озодликдан маҳрум этилган ва у айни пайтда жазони ижро этиш муассасасида. Мутасаддилар эндиликда алимент тўловлари ўша ердан ҳисоб-китоб қилиниб, ойма-ой ундириб берилишини билдиришган.

Холида Эгамбердиева,
Ishonch.uz