Ушбу саволга Ўзбекистон касаба уюшмалари Федерацияси Самарқанд вилоят кенгаши меҳнат ҳуқуқ инспектори Улуғбек Ғаниев жавоб берди:

–Меҳнат кодексининг 401-моддасига кўра 12 ёшга тўлмаган 2 ва ундан ортиқ боланинг ёки 16 ёшга тўлмаган ногиронлиги бўлган боланинг ота-онасидан бирига (ота-она ўрнини босувчи шахсга) ҳар йили давомийлиги 4 календарь кун бўлган ҳақ тўланадиган қўшимча таътил берилиши керак. Ушбу таътилни ходим йиллик меҳнат таътилига қўшиб олиши ёки иш берувчи билан келишиб иш йили давомида алоҳида (тўлиқ ёхуд қисмларга бўлиб) олиши ҳам мумкин. Яъни, 4 кунлик таътилни 1 кундан 4 марта олса ҳам бўлади.
Аксар ҳолларда бу турдаги таътилдан кўпчилик бехабарлиги боис хабари, иш берувчидан буни талаб қилмаганлиги учун амалиётга ўз аксини топмасдан қолаяпти. Бу қонун бузилиш ҳисобланади ва ходим талаб қилмаса ҳам иш берувчи таътилни расмийлаштиришга мажбур.