“Буни футбол дейдилар”, “Майдон текис, тўп юмалоқ” каби эгасиз жумлалар ҳам мунтазам айтиб юрилади. “Футболни 22 киши ўйнайди, лекин немислар ғолиб бўлишади” – Гари Линекернинг бу сўзларини барча мухлислар билишади. Марадонанинг “Агар у ерда кимнингдир қўли бўлган бўлса, бу яратганнинг қўлидир” деган ибораси ҳам бутун дунёга машҳур.

Зинедин Зидан

“Хатолар қилмаслик учун тажриба тўплаш керак. Тажриба тўплаш учун эса хато қилиш лозим”;

* * *

“Футбол ўйнашга пойабзалим бўлмагани учун йиғлаганман. Лекин кунларнинг бирида оёғи йўқ одамни учратдим...”;

* * *

“Сенинг қандай кетишинг муҳим эмас. Энг муҳими, сенинг ким бўлганинг”;

Боб Пэйсли, “Ливерпул”нинг афсонавий мураббийи

“Агар сен жарима майдонида тўпни нима қилишни билмай қолсанг, шартта гол ур. Ўйин тугаганидан кейин эса биз ўша пайтда яна нималар қилиш мумкинлигини хотиржам муҳокама қиламиз”;

* * *

“Бўлажак қайнотам мендан нима иш қилишимни сўраган. Футболчилигимни айтганимда қошлари чимирилган. Мен унга профессионал футболчилигимни таъкидлаганман. “Хўп, лекин сенинг бирорта касбинг ҳам борми?” дея қайта сўраганида “Ғишт теришни биламан” дея жавоб берганман. Унинг юзи ёришиб кетганди”;

* * *

“Ливерпул”даги фаолиятим ҳар доим ҳам омадли кечмаган. Масалан, бир марта иккинчи ўринни олганмиз”;

Эрик Кантона

“Хотинни, машинани, ҳатто динни алмаштириш мумкин, аммо севимли жамоани алмаштириб бўлмайди”;

Мирослав Клозе

“Парвардигор бизга қанот бермаган, аммо у бизга тўп туҳфа қилган ва бу бизга кўпроқ ёқишини билган”;

Жорж Бест, “МЮ”нинг собиқ юлдузи

“Бэкҳэм чап оёқда ўйнай олмайди, бош билан ура олмайди. Курашларда чаққон эмас ва кам гол уради. Қолган масалаларда ёмон эмас”;

* * *

“Менинг ҳамма аҳмоқликларим унутилади. Ҳамма фақат футболни ва урган голларимни эслайди. Ҳеч бўлмаса бир киши мени зўр футболчи дея эсласа, шунинг ўзи кифоя”;

Рой Кин

“Одамлар оқим бўйича сузиш тарафдори. Лекин ким оқим бўйича сузишини биласизми? Ўлик балиқ”;

Жозе Моуриньо

“Агар сиз мухлисларга ёқсангиз, яхшисиз. Агар улар сизни кўрарга кўзи йўқ бўлса, билингки энг зўрисиз”;

* * *

“Менга қарата отилган тошлардан мен учун ажойиб ҳайкал ясаш мумкин”;

Арриго Сакки, мураббий

“Яхши мураббий бўлиш учун футболчи бўлиш шарт эмас. Ахир извошчи бўлиш учун от бўлиш шарт эмаску”;

* * *

“Футбол муҳим бўлмаган нарсалар ичида энг муҳимидир”;

Аброр Зоҳидов