25-30 март кунлари Сингапурда сув полоси бўйича U–20 ёш тоифасида ўтган Осиё чемпионатида қитъанинг 8 та давлат терма жамоалари ғолиблик учун кураш олиб борди.

Олти кун давом этган қизғин баҳсларда Ўзбекистон эркаклар терма жамоаси 5-ўрин билан кифояланган бўлса, U–20 қизлар жамоамиз гуруҳ босқичини муваффақиятли якунлаб, якуний натижаларга кўра, бронза медалига сазовор бўлди. Мусобақада Хитой жамоаси чемпионликни қўлга киритган бўлса, Қозоғистон вакиллари кумуш медаль билан тақдирланди.

Ушбу натижа қизларимизга жорий йил бўлиб ўтадиган U–20 ёш тоифасидаги жахон чемпионатига йўлланмани хам тақдим этди.

Ислом Каримов номидаги Тошкент халқаро аэропортида спортчиларимиз тантанали кутиб олинди. Кутиб олиш маросимида Ўзбекистон сузиш федерацияси масъуллари, спортчиларнинг ота-оналари ва яқинлари хамда жамоатчилик вакиллари иштирок этишди