Мақоламиз қаҳрамонлари санъат билан шуғулланувчи имконияти чекланган инсонлардир. Улар ўзларининг ногирон эканликларига қарамай, ҳар куни ақл бовар қилмас натижаларга эришадилар. Ушбу асарларни қанчалик меҳнат қилиб яратганликларини фақат яқинларигина билишади, холос.

Мариуш Кеджиерски қўлсиз туғилган бўлсада, ҳаётда ўз орзусига етишди. У гиперреалистик суратлар чизади.

Стивен Уилшир уч йилдан бери аутизм ҳасталиги билан оғрийди. Ҳозирда у полотнога исталган панорамасини чиза олади, улар ўзига хослиги билан ажралиб туради.

Питер Лонгстаффнинг онаси ҳомиладорлик пайтида талидомид қабул қилгани учун гўдак қўлсиз дунёга келган. Аммо умри давомида ўзини сира ногирон деб ҳисобаламаган ва оёқ бармоқлари ёрдамида чиройли суратлар чизишни ўрганган.

Айрис Грейс ҳам аутизмга чалинган. У болалигида логопед машғулотларига қатнаганида ота-онаси уни расм тўгарагига ҳам беришган. Машғулотларда Айрис туғма рассом экани маълум бўлди.

Пол Смит туғилганида унга церебрал фалажлик ташхисини қўйишди. У ҳаракатланишга қийналарди, шунга қарамай босма машинкада бир бармоғи билан ана шундай суратлар чизишини кўриб ҳайрон қоласиз.

Жей Си Шейтан Тенет тату устасидир. Унинг мижозлари кўп, гарчи қўллари игна уланган металл протездан ясалган бўлсада.

Хуанг Гуофу тўрт йил аввал ток уриши натижасида икки қўлидан айрилган. Унга сурат солиш жуда ёқарди, 12 ёшидан бошлаб оёқлари ёрдамида сурат чизишни ўрганиб, ҳозирда шу касб билан шуғулланади.

Рестлинг мусобақасидаги бахтсиз ҳодисадан сўнг унинг бўйни фалаж бўлиб қолди. Бир куни у янги йил табрикномасидаги суратни қўлига олиб, ундан нусха чизишга қизиқиб қолди. Тишлари орасида қаламни солиб, чакки сурат чизмади.

Дуг Жексон церебрал фалажлик билан оғрийди, у ногиронлик аравачасига маҳқум. Аммо ўз шаҳрида машҳур ва иқтидорли рассом импрессионист сифатида танилган.

Уттам Кумар Бхардвай оёқлари ёрдамида чизувчи рассом. Унинг ишлари санъат доирасида 33 та мукофотга эришган.

Жон Брамблиттнинг кўзлари ожиз. У деярли ҳеч нима кўрмайди, фақат ёруғлик ва қоронғуликни ажрата олади, холос. У бўёқлар текстураси ва савқи табиийга асосланган ҳолда сурат чизади.

Виктория Флойд Фладд 26 йил аввал кўз нуридан айрилган. Аммо кўрмай туриб қандай ёзиш мумкинлигини сирини ҳеч ким билмайди.

Аннетт Габбеди – ювелир, у бир биридан чиройли тақинчоқлар яратади. Гарчи қўлида бармоқлари бўлмасада, бу унга ҳалол бермайди.

Эронлик рассом Фотима Хамамининг иродаси кучли, у оёқлари ёрдамида суратлар солади. Ҳатто футболчи Криштиану Роналдони ҳам ўхшатиб чизган.

Стив Чамберс камёб касалликка чалинган, унинг мушаклари мавжуд эмас. У суратларни тишлари орқасига қалам қистирган ҳолда яратади.

Мариам Паре америкалик рассом Чак Клоузнинг суратини чизяпти. Қўллари ўрнига эса озғини ишга солади. Сурат эса мукаммал!

Томми Холленштайн ногиронлик аравачасида ўтирган ҳолатда сурат чизади. У тоғда велосипед миниб, бўйнини синдириб олгандан сўнг ҳаракатланиш имконияти чекланган.

Янг Из қоғоздан суратлар ясайди. Ўн йил аввал унда амиотрафик латерал склероз аниқланган, натижада асаб тизими шикастланган. Қўллари яхши ишламайди, шу сабаб асарларини юзи ёрдамида яратади.

Десмонд Блейр бармоқларсиз туғилган, аммо машҳур ва оддий инсонларнинг портретларини чизишга унга етадиган йўқ.

Брайан Тагалог ҳам туғма қўлсиз бўлсада, аммо тўлақонли ҳаёт кечириш учун ҳамиша курашиб келган. Буни эса эплаган кўринади. Айтишича, у дунёдаги ягона қўлсиз тату устаси экан.

Жеймс Данда камёб ҳасталик кузатилади, у буллез эпидермозга чалинган. Териси жуда таъсирчан, доим кўк доғ ва чандиқлар пайдо бўлиб туради. У қўлларини ишлата олмасада, лекин ажойиб фотолар суратга олади.

Даҳшатли автоҳалокатдан сўнг Кит Янс бир умрга фалаж бўлиб қолди. Шундан сўнг у сурат чизишни ўрганди, кистларни эса тишлари билан ушлайди.

Пит Эккерт фотосанъатга кўз нуридан айрилгунга қадар жиддий қарамаган эди. Ҳозир эса галерияларда мухлислар унинг асарларини муҳокама қилишаётганда, уларни тинглаб завқ олади.

Британиялик рассом Саржи Манн ўн уч ёшида кўз нуридан айрила бошлаган. Одамлар уни буткул кўра олмай қолгач, иқтидорли пейзажчи сифатида тан олишган. У борган сари савияли ва сирли асарлар яратишга киришиб кетмоқда.

Хелен Рей етмиш етти ёшда. У ҳеч нимани эшитмайди ва деярли гапирмайди. 1990 йилда онаси уни имконияти чекланганлар гуруҳига олиб борган. У ерда Хелен сурат чизишни ўрганган.

Нодирабегим тайёрлади.