Eron va Isroildagi elchixonalar o'zbekistonliklarni ogohlikka chaqirdi
Isroil va Eron munosabatlarining keskinashuvi ortidan O'zbekistonning har ikki davlatdagi elchixonalari mazkur davlatlarda bo'lib turgan O'zbekiston fuqarolarini ogohlikka chaqirdi.
Tehrondagi diplomatlar mamlakatda vaziyatning keskinlashishi, raketa otishmalari kutilishi munosabati bilan O'zbekiston fuqarolariga xavfsizlik choralariga qat'iy rioya qilishni, shuningdek, Eron hukumati va O'zbekiston elchixonasi rasmiy xabarlarini muntazam ravishda kuzatib borishni tavsiya qilgan. Shuningdek, shaxsni tasdiqlovchi hujjatlar bilan yurishni so'ramoqda.
Shoshilinch yordam yoki maslahat uchun favqulodda yordam telefonlari:
- 22299780
- 22832025
Elektron pochta: iri.uzembassy@mfa.uz
O'z navbatida, O'zbekistonning Isroildagi elchixonasi raketa otishmalari kutilishi munosabati bilan O'zbekiston fuqarolaridan tezkor ehtiyot choralarini ko'rishni tavsiya qiladi.
Jumladan:
- raketa hujumlari paytida tezlik bilan bomba boshpanalariga kirish;
- Isroil hukumati va O'zbekiston elchixonasi rasmiy xabarlarini kuzatib borish;
- shaxsni tasdiqlovchi hujjatlarni doimo o'zi bilan olib yurish.
Shoshilinch yordam yoki maslahat uchun favqulodda yordam telefonlari:
- 03-672-2466
- 03-672-2371
- 03-758-5075
- 03-758-5076
Elektron pochta: il.uzembassy@mfa.uz
Maqolaga baho bering
0/50
0
0
0
0