Тошкент вилояти Ангрен шаҳрида жорий йилнинг 20 март куни соат тунги 23:30 лар атрофида содир бўлган икки ўқувчининг жанжали улардан бирининг ўлими билан тугади.

Вилоят мактабгача ва мактаб таълими бошқармаси матбуот хизмати берган маълумотга кўра, жанжал Ангрен шаҳрида яшовчи 9-синф ўқувчиси М.Д. ва 2006 йилда туғилган О.А. ўртасида келиб чиққан.

Ушбу жанжал натижасида 18 ёшли ўқувчи О.А. олган тан жароҳатлари оқибатида соғлиги ёмонлашиб вафот этган.
Айни вақтда мазкур ҳолат юзасидан Жиноят кодексининг 104-моддаси 3-қисми “д” банди билан жиноят иши қўзғатилган. Суриштирув ишлари олиб борилмоқда.