Маълум қилинишича, Президентнинг 2025 йил 24 декабрда қабул қилинган “2026 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги фармонига мувофиқ, 9 май — Хотира ва қадрлаш куни байрами беш кунлик иш ҳафтасидаги дам олиш кунига тўғри келгани сабабли, ушбу дам олиш куни 11 май — душанбага кўчирилган.

Шунга кўра:
— 2026 йил 11 май куни умумтаълим мактабларида дарс машғулотлари ўтказилади. Бироқ бу тартиб бошланғич синф ўқувчиларига татбиқ этилмайди;

— давлат мактабгача таълим ташкилотларида эса ушбу сана дам олиш куни ҳисобланади.
Вазирликнинг қўшимча қилишича, нодавлат таълим муассасаларида иш ва дам олиш кунлари ички тартиб-қоидалар асосида белгиланади.