3 ойда ўзбекистонликларга 46 мингдан ортиқ хорижий бўш иш ўринлари таклиф қилинган
Марказий банк шарҳида меҳнат муҳожирларининг хориждаги бўш иш ўринларига ишга жойлашишида асосий тўсиқ бўлаётган омиллар ҳам снааб ўтилди.
Айни пайтда, хорижий давлатлар томонидан ўзбекистонлик меҳнат муҳожирларига бўлган талаб юқори шаклланиб келмоқда. Ташқи меҳнат миграцияси агентлиги маълумотларига кўра, биринчи чоракда хорижий бўш иш ўринлари сони 46 мингдан ортиқни ташкил қилган.
Бу ҳақда Марказий банкнинг “Меҳнат бозори шарҳи”да маълум қилинди.
Қайд этилишича, ўзбекистонлик ишчи кучларига бўлган талаб географик жиҳатдан ҳам кенгайиб бормоқда (Буюк Британия, Саудия Арабистони, Венгрия, Беларусия ва бошқалар).
“Хорижий бўш иш ўринларида маълум кўникма ва малакаларга бўлган талаб муҳожирларнинг ишга жойлашишида асосий тўсиқ бўлиб қолмоқда. Ҳукумат томонидан кўрилаётган чора-тадбирлар, хусусан, икки томонлама ҳамкорликни кенгайтириш, расмийлаштириш жараёнларини соддалаштириш, мигрантларнинг малакасини ҳамда тил билиш даражасини ошириш ўрта муддатли истиқболда мамлакатга қўшимча меҳнат дивидендини ошириш имконини беради”, – дейилади МБ шарҳида.
Таъкидланишича, 1-чоракда трансчегаравий пул ўтказмалари ўтган йилнинг мос даврига нисбатан 8,6 фоизга ошган. Пул ўтказмаларидаги ўсиш эса меҳнат муҳожирларини қабул қилувчи асосий мамлакатлардаги миграция оқимлари ва валюта курсларининг барқарор сақланиб қолгани билан изоҳланмоқда.
Долзарб мавзулар
Mақолага баҳо беринг
0/50
0
0
0
0