Ўзбекистон Республикаси мустақиллигининг 35 йиллик шонли байрами арафасида фуқаро авиацияси тизимида "Ягона Ватан, ягона халқ бўлиб, янги ҳаёт ва келажак яратамиз" бош ғояси остида маънавий-маърифий ва учрашув тадбирлари ўтказилмоқда.

Ўзбекистон авиация ходимлари касаба уюшмаси Республика кенгаши томонидан ташкил этилган ушбу учрашувларда соҳа ривожига муносиб ҳисса қўшган меҳнат фахрийлари, муҳтарам кексалар ва мутахассислар жам бўлишди.

“Ўзбекистон” ёзуви туширилган авиалайнерларимиз бугун дунёнинг 20 дан ортиқ давлатларига мунтазам парвозларни амалга оширмоқда. Парвозлар хавфсизлигини таъминлаш ва хизмат кўрсатиш сифатини оширишда энг илғор рақамли ва инновацион технологиялар жорий этилмоқда.

Қолаверса, Ўзбекистон Касаба уюшмалари федерацияси томонидан соҳа ходимларининг ижтимоий-иқтисодий манфаатлари ва меҳнат ҳуқуқларини ҳимоя қилиш борасида тизимли ишлар давом этмоқда.

Ўзбекистон фуқаро авиациясининг бугунги юксак парвозлари ўтмиш тажрибаси, келажакка бўлган мустаҳкам ишончнинг уйғунлашувидир. Тизимда фаолият юритаётган ҳар бир ходим, хусусан, соҳа ривожига умрини бағишлаган фахрийларимиз ҳар қанча эъзоз ва таҳсинга лойиқдир.

Дилдора Дўсматова,
Жасурбек Соликов (фото)
Ishonch.uz