Унинг хурсанд бўлиши асосли. Сабаби Ҳиндистон бугунги кунда космик секторда рақобатбардош ва ўз технологиясига таянган давлат эканини исботламоқда. Мамлакатдаги ISRO агентлиги дунёга арзон, ишончли ва кучли учириш хизматини таклиф қилади. Шу боис АҚШ, Европа ва бошқа давлатлар ҳам ўз сунъий йўлдошларини кўпинча Ҳиндистондан учирмоқда.

Кеча учирилган сунъий йўлдош – BlueBird Block-2 ҳам АҚШга тегишли бўлиб, уни Ҳиндистон космик агентлиги самога олиб чиқди.
Бу ерда АҚШ (тўловчи)буюртамачи сифатида Ҳиндистоннинг салоҳиятига ишонч билдирди ва лойиҳа кутилганидек амалга оширилди.

LVM3-M6 қандай ракета?
Сунъий йўлдошни учиришдан мақсад нима?

LVM -M6 оғир юк ташишга мўлжалланган ракета. Унинг баландлиги 43,5 метр бўлиб, кеча нақд 640 тонналик юкни учирди. У Ернинг қуйи орбитасига жойлаштирилган энг оғир сунъий йўлдош бўлди. Сунъий йўлдош АҚШ томонидан келажакда тоғ, чўл ва океан ҳудудларида телефон алоқасини пайдо қилиш имкониятини яратиш мақсадида олиб борилаётган изланиш йўлидаги жиддий қадамдир. Унга жойланган технология ҳозирча синов босқичида бўлиб, АҚШ, Австралия ва океан ҳудудларида ўтказилади. Келгусида лойиҳа такомиллашса, чекка қишлоқларда, тоғ ва даштларда смартфонда чиқиб қоладиган «алоқа йўқ» деган ёзувнинг камайишига ва босқичма босқич дунё аҳолисининг алоқа имкониятлари ва интернет билан адолатли таъминланишига хизмат қилади. Қолаверса, интернет нархлари арзонлашишига ҳам олиб келади.

Сунъий йўлдошнинг умри тахминан 5-10 йилга мўлжалланган бўлиб, бу техника ва ёқилғига боғлиқ. У Ердан тахминан 500-700 км баландликда айланиб туради. Вақти-соати етгач олимлар махсус буйруқ беради ва сунъий йўлдош атмосферага кириб ёниб кетади. Акс ҳолда у бошқа сунъий йўлдошларга хавф туғдириши мумкин.

Зебо Намозова
Ishonch.uz