Шу муносабат билан ташкил этилган йиғинда Президент маслаҳатчилари Хайриддин Султонов ҳамда Музаффар Комилов, Мусулмонлар идораси Қуръони карим тажвид илмларини ўрганиш бўлими бошлиғи шайх Алижон қори Ҳайдаров ва бошқалар сўзга чиқиб, мазкур йўналишда олиб борилаётган кенг кўламли ишларга алоҳида тўхталишди.

Таъкидланганидек, Қуръони каримнинг ушбу нусхаси жуда ҳам табаррук, уни асраб-авайлаб, келажак авлодга етказиш биз учун ҳам қарз, ҳам фарздир.

Қайд этиш жоиз, Катта Лангар Қуръони энг қадимги тарихга эга Мусҳаф нусхаларидан бири ҳисобланади.

Ҳозирда ушбу қўлёзманинг саҳифалари Россиянинг Санкт-Петербург шаҳрида, шунингдек, Тошкент ва Бухоро шаҳарларида ҳам мавжуд. Унинг16 та саҳифаси Ўзбекистон мусулмонлари идораси кутубхонасида сақланмоқда.