"Мен реал инсонман. Ҳиссиётга берилмайдиган шахсият эгасиман. Отамнинг манзилини тарк қилганимда йиғламадим... Севимли мушугим ўлганида йиғламадим... Отам вафот этганида йиғламадим… НАСА агентлигидан иш топганимда йиғламадим… Биринчи бор Ой сатҳига оёқ қўйганимда йиғламадим...

Аммо Ойдан туриб Ерга боққанимда маҳзунлик ва ғам томоғимга тиқилди. Ҳўнграб йиғладим. АҚШ байроғини Ой сатҳига санчишга ҳаракат қилдим.

Нега йиғлаганимни биласизми? Сабаби шуки, Ой билан Ер орасидаги шу кичкина масофадан Ерга боққанимда, нуқта сингари мовий, ҳақир, чегаралардан холи, ранглардан холи, ирқ ва жинслардан холи Ерни кўрдим. Ўзимга-ўзим: "Биз инсонлар нега урушамиз?! Нега бир-биримизни ўлдирамиз?! – дедим. Бош бармоғимни Ернинг рўпарасига қўйдим. У Ерни тўлиқ қоплади. Мен бу жаҳолат, кўрлик ва биз ғарқ бўлган кибр учун ҳўнграб-ҳўнграб йиғладим!"

Маълумот ўрнида: Нил Армстронг – 1930 йил 5 августда АҚШда туғилган машҳур астронавт. Синовчи учувчи, аэрокосмик муҳандис ва университет профессори бўлган. У ўзининг шериги Баз Олдрин билан «Апполон -11» космик кемаси экипажига қўмондонлик қилди ва асосий вазифаси Ойга қўнишни муваффақиятли амалга оширди.

1969 йил 20 июль куни Ойга қадам қўйган биринчи инсон бўлди. Нил Ой юзасида 2 соату 31 дақиқа, 40 сония давомида сайр қилиш имконига эга бўлган. Армстронгнинг Ойда туриб айтган яна бир ибораси машҳур. У ойга инсон қадами етганини «Бу инсон учун кичик бир қадам, лекин бутун инсоният учун битта улкан сакрашдир» дея таърифлаган. Шу билан бирга Ойда туриб, инсониятнинг диний, ирқий тенгсизлик ортидан урушлари ва бир-бирини ҳалокатга маҳкум этаётганидан ўкиниб йиғлаган.
Демак, Нил Армстронг шунчаки, моҳир учувчигина бўлмаган…

Зебо Намозова