Маълумотга кўра, Эрон Ташқи ишлар вазирлиги раҳбари Нью-Йоркка “Фаластин-Исроил можароси ва унинг минтақавий инқироз даражасига кўтарилиш хавфи бўйича Эрон Ислом Республикасининг минтақалараро ва халқаро маслаҳатлашувларини давом эттириш” учун келган. Қайд этилишича, Абдуллахон АҚШга келганидан сўнг дарҳол эронлик дипломатлар ҳамроҳлигида БМТга йўл олган.

Ҳусайн Амир Абдуллоҳиян БМТ йиғилишида фаластинликларнинг манфаатларини қўллаб-қувватлаш учун Нью-Йоркка етиб борди. Эрон ҲАМАСнинг Исроилга ҳужумига алоқадорлигини рад этди.

Эрон ташқи ишлар вазири Ҳусайн Амир-Абдуллoхиён БМТ Бош Ассамблеясида сўзга чиқиб, ёпиқ огоҳлантириш берган.
“Ҳозирда Фаластинда геноцидни бошқараётган Америка сиёсатчиларига очиқ айтаман, биз минтақада урушнинг кенгайишини олқишламаймиз. Аммо Ғазодаги геноцид давом этса, бу аланга ҳам уларни аямайди”, – дея вазирнинг сўзларини келтиради Reuters.

Маълумотлар кўра, Вашингтон сўнгги кунларда Эронпараст гуруҳларнинг эҳтимолий ҳужумларини олдини олиш учун, Яқин Шарқдаги Америка объектларини ҳимоя қилишни кучайтирди.

Бирлашган Миллатлар Ташкилоти Бош Ассамблеясининг Фаластин халқини ҳимоя қилиш бўйича 10-фавқулодда махсус сессиясида Араб давлатлари томонидан тайёрланган ва Иордания томонидан тақдим этилган Яқин Шарқ можароси бўйича резолюциянинг овозга қўйилиши билан якунланиши кутилмоқда. Ҳужжат 13 банддан иборат бўлиб, уларнинг биринчиси зудлик билан ўт очишни тўхтатишга чақиради.

Бундан ташқари, матнда Ғазо секторини зудлик билан асосий эҳтиёжлар билан таъминлаш, барча тинч аҳолини озод қилиш, гуманитар ёрдамни тўсиқсиз етказиш талаби ҳамда Исроил расмийларининг фаластинликларни бошқа жойга кўчириш ҳақидаги буйруғини бекор қилишга чақириқ бор.