Muhandislarga esa, fizika muhim. Lekin asosan dasturchilar tayyorlaydigan TATU (Toshkent axborot texnologiyalari universiteti) va uning filiallarida yuqorida sanalgan ta'lim yo'nalishlariga fizika fanidan imtihon bo'lishi noto'g'ri deb o'ylayman. Matematika va fizikadan yaxshi tayyorlanib dasturchilikka o'qishga kirgan talaba o'qishni boshladi deylik. Lekin uning na dasturchilikdan, na informatikadan xabari bor. Bunda uning aybi yo'q. Сhunki undan matematika va fizika talab qilingan. U endi dasturlashni noldan o'rganishni boshlaydi. Agar kirish imtihonlarida informatikadan test olinsa, hech bo'lmaganda talaba nazariy bilimga ega bo'ladi va o'qish boshlangach, qiynalmaydi.

Mening taklifim, «Axborot texnologiyalari» sohasiga birinchi fan sifatida informatika, ikkinchi fan sifatida esa matematikadan test olinsa. Shunda mantiqan ham to'g'riroq bo'ladi. Ta'lim sohasida juda ko'p ijobiy o'zgarishlar bo'lmoqda. Masalan, 2023 yilgi kirish imtihonlarida yuridik sohalar uchun tarix va chet tili fanlari huquq va chet tili fanlariga o'zgartirilgan edi. Bu ko'pchilikni quvontirgandi. Umid qilamanki, mening ham taklifim inobatga olinadi. Bu axborot texnologiyalari yo'nalishida tushunchaga, bilimga ega yoshlarning oliy ta'lim olish imkoniyatlarini kengaytiradi, pirovardida sohaning yanada rivojlanishiga xizmat qiladi.

Akbar PO'LATOV,
Toshkent davlat o'zbek tili va adabiyoti
universiteti talabasi