Ҳар йили юртимизда тахминан 270 минг янги оила ташкил этилмоқда
– “Ёш оилалар учун энг аввало нима керак? Албатта, қулай ва шинам уй-жой. Шуни ҳисобга олган ҳолда, ёш оилаларни қўллаб-қувватлаш мақсадида уй-жой ипотека дастури доирасида кредит ставкаси 14 фоиздан ошган қисми бюджетдан қоплаб берилади”, – деди Президентимиз.
Ахборот ҳужумлари авж олаётган бугунги кунда ёшлар орасида китобхонликни оммалаштириш муҳим вазифалардан бири экани таъкидланди.
Бу йўналишни янги босқичга олиб чиқиш учун ташкил этилган “Китобхонлик маданиятини ривожлантириш” жамғарма орқали энг истеъдодли ёзувчиларга ижодий буюртма берилади ва бир йил давомида ойига 20 миллион сўмдан ҳақ тўланади.
Энг сара хорижий адабиётларни ўзбек тилига, миллий адабиётларни хорижий тилларга таржима қилиш ва чоп этиш харажатларининг ярми қопланади.
Мутахассисларга янги ўқув йилигача энг яхши 100 та асардан иборат китоблар тўпламини тайёрлаб, барча мактаб ва техникумларга етказиш топширилди. Мактаблардаги энг фаол китобхон ўқувчиларга 10 миллион сўмдан мукофот берилади.
Шунингдек, кутубхона, “book cafe” ва китоб дўконлари очиб, китоб савдосини ойига 10 минг донадан оширган тадбиркорларга уч йилгача 1 миллиард сўмгача 7 фоизли ссуда бериш йўлга қўйилади.
Долзарб мавзулар
Mақолага баҳо беринг
0/50
0
0
0
0