Тошкентнинг қоқ марказида, Амир Темур шоҳ кўчасида жойлашган ноёб архитектура обидасидан бир асрдан зиёд вақт мобайнида нафақат бузилишлардан омон қолди, балки 1966 йилдаги даҳшатли зилзилага ҳам мардонавор дош берди. Бугун эса у ҳали ҳам ўз вазифасини бажармоқда — аҳоли учун турар жой бўлиб хизмат қилмоқда.

ishonch.uz сайти ушбу бинодан фоторепортаж тайёрлади.

Ушбу тарихий бино 1927 йилда машҳур рус меъмори Георгий Михайлович Сваричевский лойиҳаси асосида барпо этилган. Сваричевский нафақат бу иншоот, балки Тошкент темир йўл вокзали, Окружной суд (ҳозирги Темир йўл бошқармаси биноси), собиқ Каплан дорихонаси ва яна кўплаб муҳим лойиҳалар муаллифи сифатида танилган.

Бу икки қаватли турар жой ташқи кўринишидан содда ғиштли бино бўлиб туюлиши мумкин, аммо унинг ички архитектураси ҳайратланарли даражада бой ва табиатга ҳамоҳанг. Олд томонга ўтилса, бинонинг ёғочдан ишланган классик балконлари, кенг айвонли ҳовлиси, улкан дарахтлар ва яшиллик ичига ғарқ бўлган деразаларни кўриш мумкин. Ҳовлида сайр қилар экансиз, бу ерга қизиққан маҳаллий ва хорижий сайёҳларга ҳам кўзингиз тушади.

Бинонинг яна бир аҳамиятли жиҳати — у расман маданий мерос объекти сифатида давлат муҳофазасига олинган. Бу нафақат унинг архитектура қийматини, балки тарихий ва маданий аҳамиятини ҳам тасдиқлайди.

Бугунги кунда тез суръатда ривожланаётган шаҳарсозлик жараёнида шундай обидаларнинг сақланиб қолиши — келажак авлод учун юксак аҳамиятга эга.

Эъзоза Умрзоқова,
ishonch.uz