"Яна келиб ишлашни истасанг, “декретний”дан воз кечасан!"
Бўстонлиқлик Ситора Туроббоева ҳомиладорлик ва туғиш таътилига кетаётганида, унга тўланадиган пулдан воз кечиши учун ходимлар бўлими бошлиғи томонидан айнан шундай шарт қўйилди.
Бўстонлиқ туманидаги сиҳатгоҳларнинг бирида ҳамшира бўлиб ишловчи Ситора туғруқ таътилидан сўнг ишсиз қолмаслик мақсадида, бу шартга рози бўлди. Шундан сўнг, иш берувчи томонидан "Ўз аризасига биноан тўлов рад этилди” деган мазмундаги буйруқ ҳам чиқарилди.
Оиласидагиларнинг нима учун унга ҳомиладорлик ва туғиш нафақаси тўланмаганлиги ҳақидаги саволларига жавоб бера олмаган Ситора ноилож турмуш ўртоғига бор гапни айтиб берди. Турмуш ўртоғи она ва бола учун ажратиладиган нафақани олишга ҳеч бир шахснинг ҳаққи йўқлигини айтиб, бу масалани қонуний тарзда ҳал этишда ёрдам сўраб, Ўзбекистон касаба уюшмалари Федерациясига мурожаат йўллади.
Мурожаатни ўрганишга киришган Ўзбекистон касаба уюшмалари Федерациясининг Тошкент вилояти кенгаши инспектори ҳолатни тўлиқ ойдинлаштиришга эришди. Раҳбарга киритилган кўрсатма хатидан сўнг, мурожаатчига ҳомиладорлик ва туғиш таътили учун салкам 14 млн. сўм маблағ тўлаб берилди. Мурожаати қонуний ечим топганидан қувонган ёш оила касаба уюшмаларига миннатдорлик билдирди.
Машраб Мирзаев,
Ўзбекистон касаба уюшмалари Федерацияси
Тошкент вилояти кенгаши меҳнат-ҳуқуқ инспектори.
Долзарб мавзулар
Mақолага баҳо беринг
0/50
0
0
0
0