Ҳужжатга кўра, ишсизлик нафақаси фақат меҳнат шартномаси бекор қилинган ҳамда сўнгги беш йилда камида 18 ой ишлаган шахсларга тўланади.

Нафақа тайинлаш учун меҳнат шартномаси бекор қилинганидан кейин 6 ой ичида мурожаат қилиш лозим. Бу ҳолда сўнгги 1,5 йилдаги ўртача ойлик иш ҳақи ҳисобидан уч ой давомида тўлов амалга оширилади.

Биринчи ойда – ўртача ойлик иш ҳақининг 75 фоизи миқдорида, аммо меҳнатга ҳақ тўлашнинг энг кам миқдори (МҲТЭКМ)нинг 3 баравари (3,813 млн сўм)дан ошмаган ҳолда тўланади. Илгари тўлов миқдори ўртача ойлик иш ҳақининг 50 фоизини ташкил қилар эди. Кейинги ойларда – ўртача ойлик иш ҳақининг 50 фоизи, лекин МҲТЭКМнинг 3 бараваридан кўп бўлмаган миқдорда тўланади.

Ишсизлик нафақасини қайта тайинлаш учун аввалги тайинланган нафақа олиш муддати тугаганидан кейин расмий равишда камида 12 ой ишлаш зарур.

Агар нафақа олувчи бандлик органлари йўлланмаси билан суҳбатга ёки эълон қилинган бўш иш ўринларига бормаса, ёки унга таклиф қилинган мос ишдан бош тортса, нафақа тўлови келгуси ойнинг 1 санасидан тўхтатилади.