Бўлим бошлиғи А.Жабборовнинг халқ депутатлари маҳаллий кенгашига берган ахборотида Адлия вазирлиги томонидан 2011 йил 10 март куни рўйхатдан ўтган давлат ижрочиларининг иш ҳажми миқдорини тартибга солувчи ҳужжатга кўра, ҳар бир ходимга 19 та ижро иши меъёрий юклама сифатида белгиланганлиги, шунга қарамай, бюро вакиллари зиммасидаги вазифаларни сидқидилдан бажариб келаётганлиги таъкидланади.

Айтилишича, сўз бораётган даврда 10 минг 87 та ижро ҳужжати бўйича жами 55,3 миллиард сўмлик ундирув амалга оширилган. Бироқ маълумотда бюро иш юритувидаги якунига етмаган ижро ҳужжатларининг сони ёки фоизи қайд этилмаган.

Ахборотда ҳисобот даврида бўлим томонидан кадрларни танлаш, тайинлаш, тарбиялаш, уларнинг касб маҳорати ҳамда малакасини ошириш чоралари кўриб борилганлиги алоҳида таъкидланади.

Халқ депутатлари туман кенгаши бюро раҳбарининг ахборотини маълумот учун қабул қилиб, келгусида амалга оширилажак масалалар юзасидан бошлиқ зиммасига бир қатор вазифалар юклаган. Улар орасида фуқаролар ва тадбиркорлик субъектлари фойдасига компенсация ундириш бўйича қабул қилинган суд қарорлари ижросини белгиланган муддатларда тўлиқ бажарилишини таъминлаш, жисмоний ва юридик шахслардан олинадиган ер ва мулк солиғи тўловларини ундиришда солиқ тўловчиларга нисбатан хуш муомалада бўлиш, ижро иши юритишда сансалорлик ва суиистеъмолчилик ҳолатларинининг олдини олиш бўйича чоралар кўриш каби масалалар бор.