Андижонда 42 млрд сўмлик лойиҳани ўзлаштирмоқчи бўлган “шоввозлар” ушланди
Улар мазкур лойиҳани юқори лавозимли танишлари орқали шаҳардаги фирмаларнинг бирига олиб беришни ваъда қилиб, ундан маълум фоиз талаб қилган.
ДХХ Андижон шаҳрида қиймати 42 млрд сўм бўлган йўл қуриш лойиҳасини маълум фирмага олиб бермоқчи бўлган шахсларни ушлади.
Хабарда айтилишича, Андижон туманида яшовчи, 1966 йилда туғилган А.Б. ва Андижон шаҳрида истиқомат қилувчи, 1971 йилда туғилган Х.У. ўзаро тил бириктириб, йўл қурилиши соҳасида фаолият юритувчи МЧЖ раҳбарининг ишончига киришади.
Улар юқори лавозимда ишловчи танишлари орқали, МЧЖга Асака туманидаги “4Р-112” автомобил йўлининг 4 км. қисмига асфалтобетон қопламасини ётқизиш бўйича лойиҳани олиб бериш эвазига, лойиҳа учун ажратиладиган 42 млрд сўмнинг 10 фоизини (4,2 млрд. сўм) беришини талаб қилишади.
Давлат хавфсизлик хизмати ва Бош прокуратура ҳузуридаги Департамент ходимлари томонидан Андижон шаҳрида ўтказилган тезкор тадбирда А.Б. сўралган пул маблағи ҳисобидан 20 минг АҚШ доллари олган вақтида ашёвий далиллар билан ушланди.
Ҳозирда мазкур шахсларга нисбатан Жиноят Кодексининг 168 ва 28,211-моддалари билан жиноят иши қўзғатилиб, қамоқ эҳтиёт чораси қўлланилган.
Долзарб мавзулар
Mақолага баҳо беринг
0/50
0
0
0
0