Банк иловаларида янги қоидалар кучга кирди

16 ноябрдан банк ва тўлов ташкилотларининг мобил иловаларида рўйхатдан ўтиш, карталарни бириктириш ва пул ўтказиш тартиби ўзгарди.

09:52 | 16.11.2026
•
20
Банк иловаларида янги қоидалар кучга кирди
Катталаштириш

Марказий банкнинг 3759-1-сонли қарори билан фирибгарликнинг олдини олишга қаратилган янги талаблар жорий этилди.
Янги тартибга кўра:

- Мобил иловада рўйхатдан ўтишда юзни таниш орқали биометрик идентификация мажбурий.
- Телефон рақами фойдаланувчининг ЖШШИРига мос бўлиши керак. Яқин қариндош номидаги рақамдан қариндошлик тасдиқланганидан кейин фойдаланиш мумкин.
- Яқин қариндошларнинг банк карталарини иловага бириктиришга рухсат берилади.
- Картани иловага бириктиришда биометрик текширув ўрнига OTP-код талаб қилинади.
- Айрим P2P ўтказмаларини SMS-кодсиз амалга ошириш мумкин. Лимитни банк белгилайди, белгиланган миқдордан юқори ўтказмалар эса қўшимча тасдиқланади. Кодсиз ўтказмалардаги фирибгарлик учун банк жавобгар бўлади.
- Янги қурилмадан аккаунтга кирилганда ёки парол тикланганда биометрик текширув ўтказилади, иловадаги карталар вақтинча нофаоллаштирилади. Улар OTP-код орқали қайта фаоллаштирилади.
- Телефонда зарарли дастур аниқланса, банк мижозни SMS ва PUSH-хабар орқали огоҳлантиради.
- Пул ўтказишдан олдин фирибгарлик хавфи ҳақида огоҳлантириш кўрсатилади.
- Карта эгалари ва пул қабул қилувчиларнинг исм-фамилияси илова орқали қисман яширилади.

Янги талаблар банк хизматларининг хавфсизлигини ошириш ва мижозларни молиявий фирибгарликдан ҳимоя қилишга қаратилган.

МАҚОЛАНИ УЛАШИШ
Instagram

Мақолага муносабат

Биринчи бўлиб овоз беринг

Фикрлар ва Муҳокама (0)

Одоб-ахлоқ қоидаларига риоя қилинг
Изоҳлар админ модерациясидан сўнг сайтда кўринади