Банк кўмагида янги ўқув маркази фаолият бошлади
Конимех тумани “Бирлик” маҳалласида 1-октабр — Ўқитувчи ва мураббийлар куни байрами муносабати билан “Бизнесни ривожлантириш банки” АТБ ҳамда Конимех тумани ҳокимлиги кўмагида “Лавенир” ўқув маркази ўз фаолиятини бошлади.
Янги ташкил этилган марказнинг очилиш маросимида банк Бошқаруви раисининг ўринбосари О.Вохидов, туман ҳокими Р.Рўзийев, нуронийлар ҳамда кенг жамоатчилик вакиллари иштирок этди.
Бугунги кунда туманда тадбиркорликни ривожлантириш, хотин-қизларни касб-ҳунарга ўргатиш ва уларнинг ташаббусларини қўллаб-қувватлаш борасида кенг имкониятлар яратилмоқда. Ушбу саъй-ҳаракатлар натижасида янги тадбиркорлик субйектлари сони ортиб, аҳоли бандлигини таъминлашга хизмат қилаётган лойиҳалар кўлами кенгаймоқда.
“Лавенир” ўқув марказида 4 та йўналиш бўйича таълим ва хизматлар йўлга қўйилган:
- Қандолатчилик;
- Заргарлик;
- Тикувчилик;
- Ярим тайёр маҳсулотлар тайёрлаш.
Айни пайтда марказда 12 нафар ишчи фаолият юритмоқда, 20 нафар ўқувчи эса касб-ҳунар сирларини ўрганмоқда. Шунингдек, ижтимоий рейестрда турган 10 нафар хотин-қизнинг бандлиги таъминланди.
Марказ фаолияти орқали хотин-қизларнинг касбий кўникмаларини шакллантириш, уларни даромадли меҳнат билан банд қилиш ҳамда тадбиркорлик фаолиятига кенг жалб этиш мақсад қилинган.
Келгусида “Лавенир” ўқув маркази фаолиятини янада кенгайтирилади, янги филиалларни ташкил этилади ва олис чўл ҳудудларида истиқомат қилувчи хотин-қизлар касб-ҳунарга ўргатилади ҳамда тадбиркорликка йўналтирилади.
