Чорвачиликни ривожлантириш учун имтиёзли кредитлар ажратилади

Президент иштирокидаги йиғилишда қайд этилишича, гўшт, сут ва тухум ишлаб чиқаришни кенгайтириш мақсадида 315 млн доллар ресурс йўналтирилади.

Бу маблағ чорва комплексини ташкил қилиш, қорамол олиш, омухта-ем чиқариш учун миллий валютада 17 фоиздан 3 йил имтиёзли давр билан 10 йилга берилади.

Чорва хўжаликларини айланма маблағ билан таъминлашга ҳам 1 трлн сўм имтиёзли кредит йўналтирилади. Ушбу кредитларнинг 18 фоиздан ошган қисми Тадбиркорлик жамғармасидан барча тадбиркорларга қоплаб берилади.