Шундан сўнг Гулшод соғлиқни сақлаш ходимлари касаба уюшмаси республика кенгашига мурожаат йўллади. Текширишда 2020 йилдан 2024 йилга қадар унга 12,8 миллион сўм кам тўлангани аниқланди.

Хоразм вилояти меҳнат ҳуқуқ инспектори тиббиёт бирлашмаси раҳбариятига ходимга ушбу пулни тўлаб бериш ҳақида кўрсатма берди, аммо масъуллар бажаришни рад этди.
Шу сабабли ходимнинг манфаатини ҳимоя қилиш мақсадида иш судга оширилди.
2025 йил 16 май куни Фуқаролик ишлари бўйича Боғот туманлараро суди ходим фойдасига қарор чиқарди ва тиббиёт бирлашмасидан жами 41,2 миллион сўм ундириш белгиланди. Тўланмаган иш ҳақидан ташқари, кечиктирилган тўловлар учун 26 392 672 сўм компенсация, 2000 000 сўм маънавий зарар ҳам тўланиши кўрсатилди.

Тиббиёт бирлашмаси бу сафар ҳам пул тўламаслик илинжида апелляция шикояти билан вилоят судига мурожаат қилди, аммо фойдаси бўлмади. Фуқаролик ишлари бўйича Боғот туманлараро суди қарори ўзгаришсиз қолдирилди. Натижада, маблағ ходимга тўлиқ тўлаб берилди.

Расулбек Аллаберганов,
Соғлиқни сақлаш ходимлари касаба уюшмаси республика кенгашининг Хоразм вилояти бўйича меҳнат ҳуқуқ инспектори