Об-ҳавога қараб кийининг

Иссиқ, кенг либосларни, бош кийим ва шарфни унутманг. Оёқларингизни қуруқ сақлайдиган иссиқ таглик, жун пайпоқ, қўлингизга албатта иссиқ қўлқоп кийинг. Совуқда металл заргарлик буюмларини тақманг. Пойабзал эркин бўлиши керак, ҳаво қатлами иссиқликни сақлайди ва оёққа маҳкам ўрнашган тор пойабзалда жуда тез музлашингиз мумкин.

Спиртли ичимликлардан ва чекишдан сақланинг

Бу иссиқлик иллюзиясини яратади. Тўлиқ овқатланинг. Озиқ-овқат – иссиқлик манбаи. Агар музлаб қолсангиз, иссиқ нарса билан газак қилинг ёки иссиқ чой ичинг. Чекманг, айниқса совуқда. Чекиш периферик қон айланишини заифлаштиради ва оёқ-қўлларни янада заиф қилади.

Ҳаракатсиз қолманг

Ҳаракатсиз бир жойда узоқ вақт қолиш музлаш жараёнини тезлаштиради. Музлаётганингизни ҳис қилсангиз, қўлларингизни бир-бирига ишқаланг, оёқларингизни тақиллатинг, бармоқларингизни ҳаракатлантиринг, сакранг, қўлларингиз билан думалоқ ҳаракатлар қилинг. Агар буларнинг барчаси исинишга ёрдам бермаса, имкон қадар тезроқ уйга ёки иситиладиган хонага боришга ҳаракат қилинг. Ва фақат ўзингизни илиқ ҳис қилганингиздан сўнг, яна ташқарига чиқишингиз мумкин.

Хавф остидаги болалар ва қариялар

Кексаларда баъзи касалликлар оқибатида терморегуляция бузилиши мумкин. Болалардаэса тана функцияси ҳали мукаммал шаклланмаган бўлади.

Учта қатлам қоидасига амал қилинг

Шундай қилиб, сиз учта қатлам қоидасини эслаб қолишингиз керак. Биринчи – термал ички кийим, иккинчи – изоляция, учинчи – юқори. Уларнинг барчаси танадан ортиқча намликни олиб ташлаши керак, юқори қисми эса қўшимча равишда ёғингарчилик ва шамолдан ҳимоя қилиши керак. Шунингдек, пайпоқ, иссиқ бош кийим ва шарф каби муҳим кийимларни унутманг.

Муҳими: совқотиб қолмаслик учун нима қилиш керак?

- Иссиқлигингиздан фойдаланинг: масалан, қўлларингиз музлаган бўлса, уларни қўлтиқлар остига қўйинг.

- Қор билан ишқаламанг: қор билан ишқаланиш терининг ишқаланишига олиб келади. Бундан ташқари, агар жуда нам бўлсангиз, кўпроқ иссиқлик йўқотасиз.

-Танангизни намламанг: сув билан алоқа қилишдан иссиқлик йўқотилиши жуда кучаяди.

-Шамолдан яширинг: ҳеч бўлмаганда шамолдан узоқлашинг. Совуқни тешувчи шамоллар музлашга катта ҳисса қўшади.

-Спиртли ичимликлар ичманг. Спиртли ичимликлар кўпроқ иссиқлик йўқотилишига ёрдам беради.

-Чекманг: Чекиш периферик қон айланишини пасайтиради ва шу билан оёқ-қўлларни совуққа нисбатан заифроқ қилади.

- Металл билан алоқа қилишдан сақланинг.

-Жуда совуқ кечада машинада қолиб кетсангиз, ичкарида ўтириб, номаълум томонга чиқишга уринмаган яхшироқдир.

- Жуда қаттиқ совуқда «карам» каби кийининг. Бу қаттиқсовуқларда энг тўғриқарор. Пахта, жун матолардан тайёрланган уст-бошлар мақсадга мувофиқ бўлади.

-Тўғри пойабзалкийинг. Уйдан чиқишдан олдин этикларингизбўш эканлигига ишонч ҳосилқилинг. Тагликларни борлигига ва оёқларингиз тозалигига, қуруқ ва иссиқ пайпоқлар кийишга эътибор беринг.

- Совуқда озиқ-овқат иссиқ ва тўйимли бўлиши керак, бу ички иссиқликни таъминлайди.

- Оч ёки носоғлом ҳолда совуқда юрманг.

-Ҳўл сочлар билан ташқарига чиқманг.

Анваржон ҲАЛИМОВ тайёрлади