Уч ўзбекистонлик раввинни ўлдирганликда гумон қилиняпти: ҳолат юзасидан расмий маълумот берилди
Бир муддат олдин турли оммавий ахборот воситалари ва ижтимоий тармоқларида Бирлашган Араб Амирликлари ҳудудида Цви Коган исмли шахс ўлимида гумонланаётган уч нафар Ўзбекистон фуқаролари қўлга олинганлиги тўғрисида маълумотлар тарқалди.
Ўзбекистоннинг Дубайдаги Бош консулхонаси ушбу воқеага расмий муносабат билдириб, масалани ўрганиш бўйича тегишли ишлар олиб борилаётганини маълум қилди.
“Бош консулхона ҳамда Абу-Дабидаги Элчихонаси Бирлашган Араб Амирликлари Ташқи ишлар вазирлиги ва бошқа мутасадди идоралари билан доимий алоқада бўлиб, мазкур масала юзасидан ойдинлик киритиш мақсадида тегишли ишлар олиб бормоқда.
Тафсилотлар юзасидан қўшимча маълумот берилади”, – дейилади расмий баёнотда.
Эслатиб ўтамиз, жорий йилнинг 22 ноябрь куни Дубай шаҳрида Молдова ва Исроил фуқаролигига эга бўлган раввин Цви Коган йўқолиб қолган ва якшанба куни ўлиқ ҳолида топилган эди. БАА ҳуқуқни муҳофаза қилувчи органлари мазкур жиноятга алоқадорликда гумонланиб, 3 нафар ўзбекистонлик қамоққа олинганини билдирган эди.
Долзарб мавзулар
Mақолага баҳо беринг
0/50
0
0
0
0