46—Бутун жаҳон олимпиадаси: Ўзбекистон шахматчилари бугун Украинани мағлуб қила оладими?

Самарқанд мезбонлигида ўтказилаётган Олимпиаданинг драматик ўтган 10-туридан сўнг Ўзбекистон 18 очко тўплаб, пешқадамликни мустаҳкамлаган бўлса, Ҳиндистон, Украина, Германия ва Венгрия жамоалари ҳали ҳам медаллар учун даъвогарлик қилмоқда.
Кеча биринчи доскада Нодирбек Абдусатторовнинг узоқ давом этган эндшпильдаги якуний ғалабаси Ўзбекистоннинг 3,5–0,5 ҳисобидаги ажойиб муваффақиятини таъминлади. Бу вакилларимизни бугун олтин медаль учун курашда энг қулай позицияга олиб чиқди.
Айтиш жоизки, Нодирбек фаолиятидаги энг яхши шахматни намойиш этмоқда. У ҳали мағлубиятга учрамади ва 10 имкониятдан 8 очко тўплади.
Турнинг иккинчи муҳим баҳсида Ҳиндистон турнир кашфиётига айланган «Ўзбекистон-2» жамоасига қарши доскага чиқди ва 3,5–0,5 ҳисобида ғалаба қозониб, турнирнинг сўнгги ўйинигача жиддий даъвогар бўлиб қолишини кўрсатди. Ҳозир Ҳиндистон 17 очко билан иккинчи ўринда бормоқда.
Германия Францияни 3–1 ҳисобида мағлуб этгач, сўнгги турда медаллар учун курашиш имкониятини сақлаб қолди ва 16 очко тўплаб, турнир жадвалида 3-ўринда бормоқда.
Украина ҳам Хитойни мағлуб этиб, медаль олиш умидини сақлаб қолди. Вакилларимиз бугун Украина жамоси билан ҳал қилувчи баҳсга киришади.