Таъкидланишича, зикр этилаётган муддатда никоҳдан ажратиш ҳақидаги даъволарни қаноатлантириш кўрсаткичи ўтган йилнинг айни даврига нисбатан 155 тага ёки 14,7 фоизга камайган. Яъни кўриб тамомланган шу турдаги 1 минг 501 та фуқаролик ишидан 896 тасида даъво аризалар қаноатлантирилган.

Суд томонидан ажратилган 62 та жуфтлик 1-2 йил, 113 таси 2-3 йил, 142 таси 3-4 йил, 579 таси эса 4 йилдан ортиқ вақт мобайнида бирга яшашган. Қўшимча қилинишича, барбод бўлган оилалардан 332 тасининг 1 нафардан, 254 тасининг 2 нафардан, 271 тасининг эса 3 нафар ва ундан ортиқ фарзандлари бор.

Таҳлилларга кўра, ушбу тоифадаги ишлар бўйича жами 56 та ҳолатда учинчи шахслар – яқин қариндошлар аралашуви оқибатида эр ёки хотин судга мурожаат қилган.