Butunjahon munosib mehnat kuni munosabati bilan O'zbekiston kasaba uyushmalari Federatsiyasida “Munosib mehnat— munosib hayot asosidir” mavzuida konferentsiya tashkil etildi.

Tadbirda dunyoda va yurtimizda munosib mehnat sharoitlarini yaratish borasida olib borilayotgan ishlar hamda yechimini kutayotgan muammolar haqida so'z yuritildi. Mutaxassislar ishchi-mehnatkashlarning hayotiga xavf solayotgan muammolar haqida ham fikr bildirishdi. Jumladan, konferentsiyada so'zga chiqqan Kasaba uyushmalari Federatsiyasi bo'lim mudiri Nodira G'oibnazarovaning aytishicha, bugun dunyoda 8 milliarddan ortiq aholi bo'lib, ularning 3 milliarddan ortig'i muntazam ish o'rniga ega. Xalqaro mehnat tashkilotining axborotiga ko'ra, dunyoda har kuni 6,5 ming odam ertalab ishga ketib, kechqurun uyiga qaytib bormayapti. Munosib mehnat sharoitlari yaratilmagani, ish joylardagi xavf-xatarlar sababli baxtsiz hodisalar sodir bo'lmoqda. Bir yilda bunday ko'ngilsiz holatlar 317 millionta qayd etilib, afsuski, ularning 200 milliondan ortig'i o'lim bilan yakun topmoqda.